WILLEMSTAD.- Tur kos ta kla pa Kòrsou risibí Ilan Chester i su banda dia 30 di novèmber próksimo.
Debí na sirkunstansia di wer i tumando prekoushon pa ofresé un eksperensia tur afó riba e anochi aki, organisashon a disidí di move e konsierto di pafó pa paden.
E sitio di e konsierto ta kambia di Sambil Square Events pa ouditorio di PWFC. Tur esnan ku a kumpra nan karchi kaba mester sa ku nada no a kambia, e karchi aki ta bálido pa entrada di e show aki. E konsierto ta programa pa kuminsá na e mes orario i porta ta habri 8 or di anochi.
Ku e kambio di sitio, organisashon por sigurá komodidat durante di e konsierto aki. Ilan Chester i su banda lo yega Kòrsou 27 i 28 di novèmber pa ensayá aki na Kòrsou, pa duna e públiko loke nan ta spera di dje.
Karchinan ta optenibel na Mensing’s Caminada i Van den Tweel Supermarket.