WILLEMSTAD.- Fundashon Bos di Hubentut, un organisashon no komersial, djasabra último a organisá un kaminata ‘Willemstad by Night’ pa dje forma ei rekoudá fondo pa e diferente proyektonan ku ta na ehekutá durante pa mas ku 25 aña. Dia 23 di yüni 2018, e organisashon a selebrá ku orguyo nan di 25 aniversario.
Proyektonan manera Brigada di Seguridat i Formashon, Kibrando Gritunan Silensioso, Hóben Empresario Formando Kreando Edukando (HEFKE), SmartYouth, MCO (Media, Communicatie, Ontwikkeling) i Hóben Goberná ta trabounan ku Bos di Hubentut a bin ta desplegá.
Djasabra anochi Gobernadó, Sra. Lucille George-Wout, tabata e persona enkargá pa efektuá e apertura dje evento i kaminata. Un kantidat grandi di públiko a partisipá na e kaminata ku a sali Plasa Brion, subi Julianabrug, pasa Punda i finalisá riba Plasa Brion kaminda tabatin animashon musikal despues.

Riba foto nos por apresiá algun imágen durante dje evento.