WILLEMSTAD.- Tur hende ku a nase aki na Kòrsou, tambe ta originá di un òf otro imigrante.
Si kada siudadano riba e pais aki  tira un bista den nan pasado nan lo haña di komprondé di unda nan desendientenan ta.
P’esei, esun ku pisa un tera deskonosí, tin ku wòrdu brasá pe komunidat p’asina duna nan rumannan un mihó bida.
Un ehèmpel, hopi siudadano ta hui for di nan pais di orígen drenta Europa pa haña mihó bida.
siudadanonan di e paisnan den Europa ta protestá pa tene nan afó, lubidando ku nan pais ta riku awe debí ku paisnan den Europa a hòrta tur rikesa di esunnan ku ta bin pidi yudansa pa un mihó bida,
E siudadanonan legítimo di e pais ta lubidá ku nan desendientenan ta di aya mes. E paisnan den Afrika i Oriente, Europeonan a hòrta tur nan rikesa den pasado, nan oro i nan petroli. P’asina enrikesé nan mes.
Un obra dramátiko titulá: Imigrante, ta basá riba un historia di dos imigrante ku ta krusa laman pisa tera di Kòrsou.
Nan ta traha duru pa sobrebibí, kasa i haña yu, pero unu ta topa un kasa eksigente, Un mandona.
Pa bienestar di su dos yunan i agradesido na e tera Kòrsou e ta guli tur insulto den su direkshon
Esaki ta otro produkshon produsí pa AT&TPS ( Antillean Theater & Television Program Supply) presentá pa Kanal Elouisa ( TDS)
Aboná awor riba Kanal Elouisa asina entretené bo mes ku un historia modifiká, tradusí i adaptá  pa Anthony Jamanika i dirigí pa su mes persona.
Interpretá pa un elenko artístiko fabuloso, manera Kalvin van Kimmenaede, Joyceline Candelaria, Curley Molina, Rainy Rosaria, Mary-leen Candelaria, Shenyo Bokshoven, Krissy Molina, Lilimar Valencia, Millisent Granviel, Senaida Kook i Myretha Martina.
Kanal Elouisa ta semper na bo òrdu.