WILLEMSTAD.- Mañan djasabra Kandela Cigar Lounge ta presentá e promé edishon di ‘Kandela Bourbon Street at North Sea’ ku presentashon di Arnell & Friends. Riba tur djasabra di luna di ougùstùs 2018, Kandela Cigar Lounge lo tin animashon musikal di agrupashonnan musikal presentando músika di e género di Jazz. Mañan anochi Arnell riba piano i su amigunan Hershel Rosario - bas, Marlon Conradus - drùms, Stanley Betrian – kitara, Pernell Saturnino – konga, Dennis Aalse – trompèt i Doña Mafalda Miguel komo artista invitá lo kuminsá presentá for di 9’or di anochi te ku 12’or. Bin kuminsá ‘warm up’ pa Curaçao North Sea Jazz Festival 2018.