SANTIAGO DE CHILE, AP.- Un miar di kas den pueblo di Santa Olga a wòrdu destrosá djaweps mardugá pa un di e kandelanan forestal ku ta afektá sùit di Chile i ku a kima 160.000 hèktar i kobra bida di nuebe persona.

“Esaki ta un situashon grave di pesadia sin nòmber”, segun alkalde Carlos Valenzuela  di Konstitushon, un siudat serka i di Santa Olga.

Un persona a wòrdu deskubrí entre e partinan kimá den mondi segun e alkalde i komandante di bombero. 140 kilometer mas na sùit tabatin un kadaver den un kas destruí pa kandela.

Kasi 6.000 habitante di Santa Olga a logra evakuá promé ku e kandela a kuminsá kima e área.

Desena di bombero yorando, tapando nan kara i mirando ariba kubrí pa kapa di huma a para trabou un ratu djaweps pa despedí di su kolega ku a fayesé despues di evakuá un famia den un kas.

Ounke ta prematuro pa kalkulá e kantidat di daño, e Korporashon Chileno di Palu ta kalkulá ku 40.000 hèktar di superfisie di mondinan a kima.

...Bombero trahando pa paga e kandela...