WILLEMSTAD.- ‘Exodus’, ‘Is this Love’, ‘Lively up yourself’… ta djis un parti di herensia musikal fantástiko di e leyenda di reggae Bob Marley.

Djasabra  awor 2 di sèptèmber,  Rootsriders e mihó banda di tributo huntu ku nos propio ‘yunan di tera’  Junior Tecla i Tamara Nivillac ta trese un homenahe na Marley’s su ‘Exodus’.

Tur esaki ta bai tuma lugá na Madero Ocean Club na Bapor Kibrá/Mambo Beach blvd. Segun e organisashon di e evento aki karchinan ta bai manera pan kayente, buska di bo awe mes.

Pa 8’or di anochi e show ta kuminsá ku presentashon di Vibenation huntu ku Naomie Silvanie i e rapper ZOINX.

Karchi ta optenibel na: 24 uur uit de muur, Van den Tweel, Beep Beep, Bruna, Mensing’s Caminada i Madero Ocean Club. E gira ta posibel danki na kooperashon di Brugal, Dolfijn FM, TUI, Acoya i Russian Standard.