WILLEMSTAD.- Despues di tres anochi kargá ku Seú, kaminda un i tur a destaká riba tarima, sigur Fundashon Kultural Seú Kòrsou ta kontentu ku e asistensia. Prinsipalmente pa esnan ku a skohe rumbo pa Curaçao Festival Center. Tres anochi na kua a duna mérito na un personahe ku tabata na kuna di e evento aki kual ta Kantadó Mayó.

Trèkmentu di number:
Awe nochi lo tin trèkmentu di number i Fundashon Kultural Seú Kòrsou ta invitá tur lider di agrupashon musikal ku a kai den premio pa nan ta presente. Ta eksigí pa nan presentá mesora ku e òrdu di presentashon. Mirando ku tur lokual ku ta bai keda hasí ta bai den e sistema komputarisá. P'esei e lider di e grupo mester pa 7’or di anochi na Curaçao Festival Center den Sala Newburn Patricks.

Gradisimentu
Fundashon Kultural Seú Kòrsou ta gradisí tur patrosinadó ku a duna nan aporte pa loke ta realisashon di e gran proyekto aki. Patrosinadornan: Gobièrnu di Kòrsou, MCB, Amstel, Lovers, Curaçao Port Authority, Coca Cola - Dasani, Massive, Curaçao Festival Center. Un palabra spesialmente ta bai pa CurSoft ku ta un gran aporte pa e proyekto.

Porta
Djasabra porta habri for di 6’or di atardi i hinter dia ta bende karchi. Salvo e momentu di Gimmick ku ta tuma lugá na Klup di Shell entre11'or i 1’or di mèrdia kaminda e karchi di entrada lo ta solamente 20 florin.

Resultado:
E kuerpo di hurado eksperensia bou di presidensia di Carl Camelia i Iko Benjamin a skohe trinta finalista.