WILLEMSTAD.- Izaline Calister djaweps último a risibí e kondekorashon komo ‘Ridder in de Orde van Oranje’. El a risibí e premio akí for di man di Alkalde di Groningen, Peter den Oudsten na Stadhuis di Groningen, residensia di Izaline.
Calister ta distinguí su mes komo artista, pa motibu ku mediante su repertorio el a sa di pone un relashon entre muzik tradishonal di su isla natal Kòrsou i Jazz, ku influensianan Afro- Karibeño, i semper kantá den Papiamentu. Ku esaki el a bira un embahador importante di e kultura kurasoleño na Ulanda i den eksterior.
Izaline Calister a debutá ku su promé álbùm na 2000. Na 2009 el a risibí un ‘Edison’ pa su cd Speransa.
Ku su último álbùm Rayo di Lus, Izaline ta sali pafó di su zona konfortabel, den su búskeda pa un kombinashon nobo di elementonan kurasoleño ku un zonido moderno, uzando elektrónika i muestra. Último añanan Izaline a skor ku basta un par di hit number 1 Den Karibe.
Aktualmente Izaline ta presentando algun di e último presentashonnan di su programashon di teater musikal Latin Diva na Ulanda. Den kabamentu di aña tin un cd planiá den koperashon ku Ed Verhoef i Angelo Verploegen.