WILLEMSTAD.- EXTRA huntu ku Skempi tur siman ta publiká un ‘Kantika di Siman’ riba e wèpsait di EXTRA, www.extra-v2.mystagingwebsite.com E siman aki desishon a kai ku ta bai bek den tempu i presentá un dje klásikonan di Rudy Plaate ku ta ‘No mishi kuné’. Rudy Plaate, konosido kantante, kompositor i músiko semper a tabatin un lugá spesial pa Kòrsou den su kurason i su komposishonnan semper a ekspresá esaki. Un di su klásikonan ta ‘Atardi’. Rudy na diferente okashon a yega di kanta riba problemanan i aspektonan di balor di nos komunidat loke a hasié un dje ikononan di Kòrsou. Rudy ta konosí tambe pa e kor di mucha ‘Perlitas’ for di kua diferente kantante konosí a risibí nan edukashon musikal. Na 2013 Festival ‘Un Kanto pa Kòrsou’ a keda dediká na Rudy Plaate. E honor a toka Rudy, esaki pa tur loke el a hasi pa Kòrsou ku su músika i guia. Don Rudy Plaate definitivamente un dje baluartenan di músika di Kòrsou. Pa disfrutá di e ‘Kantika di Siman’ ta fásil, bishita e wèpsait di EXTRA, www.extra. cw, klik riba e flyer di ‘Kantika di Siman’ i skucha ‘No mishi kuné’.