WILLEMSTAD.- Ayera nochi despues dje rueda di prensa kaminda Landhuis Bloemhof a duna inisio dje selebrashon di ‘100 aña di kultura’ a presentá e proyekto ‘Mondi Mágiko’ kaminda a transformá parti di e ruta di mondi den e kurá di Landhuis Bloemhof den un parke di lus.
Kara Productions di e artista Giovanni Abath a instalá un ruta di lus den e mondi di Bloemhof.
‘Mondi Mágiko’ lo ta habrí pa públiko durante di kuater anochi pa siman kuminsando djasabra awor, 9 di novèmber 2019.
Giovanni Abath i ‘Kara Productions’ ta konosí komo e organisashon profeshonal ku durante último añanan a pone lus di Pasku den sentro di nos siudat.