WILLEMSTAD.-  E keintura kòrá ta sigui oumentá; manera ya kaba anteriormente menshoná Digicel lo ofresé tur kliente e oportunidat di kumpra nan karchinan di entrada ku 15 florin di deskuento. Di akuerdo ku Jorge Cuartas Marketing Manager di Digicel, “E keintura kòrá di Digicel ta keda oumentá gradualmente te ora nos yega e dianan di Gran Marcha. Nos a kuminsá na anunsiá e premio ‘Keintura Kòrá’ di 10,000 florin pa un grupo di karnaval òf individual i awor nos lo ofresé tur nos klientenan preisnan redusí pa karchinan di evento di karnaval ora ku nan rekargá ku e karchi di 15 florin di Digicel.  Klientenan ku no a download My Digicel App (MDA) ainda por hasi esaki. No lubidá, ku e ta totalmente grátis i no ta konsumí bo data!”

Karchinan na preis redusí ku My Digicel App
Digicel ta ofresé tur kliente oportunidat di kumpra nan karchi pa elekshon di Reina, Prins i Pancho di karnaval, Festival di Tumba, Jump-Up di Radio Mas, Jump-In di SVB, Love, Music & Food Festival, Hak’e Jump-In Festival i pa para na e stèlazje di Digicel na JPF- tur esaki na preis redusí, ora ku nan rekargá nan telefòn ku e karchi di 15 florin di Digicel. Klientenan lo mester mustra e MDA riba nan telefòn na momentu di kumpra e karchi pa por risibí e deskuento. Ku kada ‘top-up’ e kliente ta risibí un kupòn digital, kada kupòn ta duná bo derechi riba 1 karchi na preis spesial. Por yega un máksimo di 12 kupòn, sinembargo kada persona por kumpra únikamente 2 karchi pa mesun evento. Karchinan na preis redusí por wòrdu kumpra únikamente na kiosko di Digicel na Sambil di djaluna pa djabièrnè for di 6’or pa 8’or.

Apoyá bo Reina, Prens i Pancho faborito
Ta invitá tur fanátiko pa topa nan kandidatonan faborito durante di un ‘Meet & Greet’ ku lo tin djaweps dia 31 di yanüari for di 4 or di atardi pa 7:30 di anochi na Digicel Brionplein. Durante di e atardi aki lo por kumpra e karchi prepaid di 15 florin serka e partisipantenan i mesora risibí deskuento pa un di e eventonan ariba menshoná. Ademas di esaki, Digicel lo tin promoshon riba di diferente telefòn ku lo ta na preis super faborabel. Konektá via e página di Facebook di Digicel www.facebook.com/DigicelCuracao  p’abo tambe sinti e keintura kòrá!