WILLEMSTAD.- Ta buska boluntario pa duna lès den e siguiente disiplinanan: kanto, baile, toka barí i guitara.
Unidat di Bario Kòrsou i Banko di Boluntario Kòrsou ta uni su mes na e esfuersonan di Kas
di Kultura pa realisá e ròl di ekspreshon artístiko- kultura den desaroyo i kalidat di bida di nos pais i ta invitá na boluntario di kanto, baile, toka barí i guitara, pa duna un man.
For di promé di sèptèmber Kas di Kultura a haña 1 ruman mas i esei ta Teatro Luna Blou i tambe La Tentashon.
Ku atkisishon di e dos edifisionan aki Kas di Kultura sigur lo hasi bon uso di nan, pa tantu públiko en general pero tambe presentashonnan pa entre otro skolnan I tambe gruponan.
Zona Kultural Kòrsou lo ta realisashon di un laboratorio interdisiplinario i plataforma pa presentashon di Kultura, Arte Visual, Arte di Tarima. Un espasio inspirativo i yamativo pa enkuentro Kultural den sentro di nos siudat ku lo redundá den un balor formativo i sosio ekonómiko signifikante pa nos pais.
Tambe mester di boluntario pa sirbi den bar.
Banko di Boluntario ta un proyekto di Unidat di Bario Kòrsou, ku a nase dor di enkargo di Ministerio SOAW ku e meta  di inventarisá promové, fortifiká, sostené, rekonosé, duna guia i struktura na esfuerso di trabou boluntario di Pais Kòrsou.
Kua ta e benefisio di trabou boluntario?
Partisipá den konstrukshon di un sosiedat hustu i igual.
Desaroyá akshon solidario yudando otronan den solushon di nan problema òf nesesidat.
Atkirí konosementu nobo, habilidat i desaroyá kapasidat pa trabou boluntario òf pa opshon di trabou.
Nos ta ke  duna un bon biní na e gran famia solidario mundial,  esaki ta bo mihó desishon: di yuda otro sin mester risibí kompensashon ekonómiko.  E tempu ku bo ta duna lo kambia bo bida i bida di  otronan.
Pa mas informashon i  inskripshon yama òf mail na Banko di Boluntario telefòn o whatsapp : 888-2110/690-5276 /686-1030 òf manda email pa unidatdibario@gmail.com