MADRID, AP.- Un wes spañó a dikta ayera prisòn pa e presidente do parlamentu di Catalonia, Carme Forcadell, komo parti di un piskisia pa rebelion pa por vota riba e deklarashon di independensia, pero tambe a fiha un fiansa di 150 mil euro i ku ta kita su pasaporte.
E parlamentu di Catalonia a proba e deklarashon di independensia di e region pa proklamá un repúblika nobo dia 27 di òktober i a ignorá e atvertensianan di tribunal konstitushonal ku e akshon ei ta ilegal. E votashon di independensia a keda bòikotiá pa e mayoria di legisladónan di e oposishon.
E gobièrnu sentral spañó mesora a tuma kontrol di e region próspero di nort ost. Ta promé biaha den kuater dékada, for di despues ku diktadura a kaba di general Francisco Franco, ku Madrid a kita poder di outonomia di algun di e 17 regionnan di e pais.
Outoridatnan spañó tam,be a destituí presidente regional di Catalonia i su gobièrnu kende aktualmente ta sera pa kargonan preliminar di rebelion òf ta luchando kontra ekstradishon di Bèlgika pa Spaña. Ademas e gobièrnu sentral a disolvé Parlamentu i a konvoká un elekshon regional programa pa 21 di desèmber.
E fiskalnan a interpone kargonan di rebelion, i malversashon, krímennan ku ta kastigu ku te asta 30 aña di prisòn bou di leinan spañó. E wes Pablo Llarena, tribunal supremo di Spaña, a interogá Forcadell i otro 5 miembro di parlamentu katalan ayera durante mas di 10 ora promé di dikta sentensia.
A dikta un fiansa di 25 mil euro na kuater di e legisladónan pa keda paga den un siman, a duna libertat na otro legisladó ku a hasi e votashon di 27 di òktober ora el a permití un debate pero a oponé e deklarashon di independensia.
Durante di su interogashon Forcadell a trata na evitá keda detené ora el a deskribí e deklarashon di independensia komo simbóliko segun abogadonan..
