WILLEMSTAD.- E di tres kansion promoshonal pa ONE pe siman aki ta riba merkado. E komposishon, areglo i produkshon di Dibo Doran “Keda’fo” ta keda interpretá pa Furgell Wijngaarden. Un piesa komersial ku ta zona dushi i ta pone bu tin ku move. ‘Si e bida no ta bo bida, ai ruman djis keda fo, si bo’n tin nada di hasi hala boka sera awó!’ Un tema aktual kaminda tin yen hende ta biba bida di otro. ‘Largu bai bosnan tin kos di bisa. Si bo mira mi ta chill mi ruman, e ta fo’i bo kuenta. Largu bai nan tin ko’i bisa di nos life, pero mami nevermind paso Shine nos ta keda Shine”. Man na laira, ONE ta zona dushi!.