MERKA.- E serie ‘reality show’, ‘Keeping Up with The Kardashians’ tei kumpli 10 aña ku e ta den aire.
For di e komodidat di nan televishon, mundu kompletu a mira e muchanan aki pasa dor di nan pubertat, skandal, matrimonio, divorsio i yen otro eksperensia.
Semper lo ta interesante pa rekordá e momentunan ei durante añanan ku a pasa.
Kris Jenner, for di prinsipio a indiká: ‘Si nos ta bai hasié, nos lo hasié kompletu. Nos mester ta ken nos ta di bèrdat’.
Apesar ku nan ta transmití nan bida dilanti di kámara, ainda tin kosnan ku nan a logra di mantené komo sekreto durante tur e tempu.
‘Keeping Up with The Kardashians’, un serie ku ketu bai ta gosa di un sintonia basta grandi, entre otro aki na Kòrsou.