NEW YORK, MERKA.- E modelo merikano, Kendall Jenner, 21 aña, lo keda nombrá otro siman komo ‘Ikono di Moda di dékada’ durante di New York Fashion Week, asina e portal ‘Daily Front Row’ a informá. Jenner ta un dje modelonan di momento huntu ku e rumannan Bella i Gigi Hadid, nan tin serka di 83 mion di siguidó via di Instagram. Otro siman dia 8 di sèptèmber lo e risibí e galardón. Jenner a desfilá riba pasarelanan di mas importante di mundu bistiendo e mihó markanan. Jenner ta yu di Kris Jenner i e eks atleta olímpiko, Bruce Jenner. Ku su programa, su liña di kosmétika, weganan di video i liña di paña, Jenner a krea un imperio mionario.