WILLEMSTAD.- E kantante i kompositor Kendrick Maxwell a lansa un kansion nobo titulá ‘Mama Soltera’.

‘Mi konosé hopi Mama Soltera ku ta pasando den momentunan hopi difísil i dikon no kant’é? Luna pasá ma komponé e kansion pero dor di ‘lockdown’, plachi di dia mi no por a bai graba, esaki te motibunan ku a tarda e proseso’, asina Maxwell a splika DEN E BEMBE.

Kendrick a konta DEN E BEMBE ku e siman aki nan lo bai graba e videoclip. E pandemia ta strobando, bo ta pèrdè hopi dia i hopi tempu, pero e ta spera ku pa aki 1 siman e videoclip lo por ta kla.

Kendrick riba e produkshon aki a bolbe djòin ku Josh Matos komo areglista. ‘Nos tin yen éksito tras di lomba i Josh ta mi areglista’.

Ban sigui sostené nos artistanan lokal!.