WILLEMSTAD.- Tur kos ta kla. ‘DEN E BEMBE’ a komprondé ku tur kos ta praktikamente kla. Ayera nochi tabata trahando riba e último detayenan pa dje forma ei mañan anochi e invitadonan eksperensiá e loke por ser denominá komo e kasamentu di aña.

Kenley Jansen i Gianni a bisa otro si den luna di aprel na Merka, pero mañan tei bira e dia kaminda nan tei bisa otro si dilanti di Dios.

Invitadonan di entre otro Merka ya a yega Kòrsou i esnan djaki ya a prepará nan trahe elegante i nan “dashi pushi” pa mañan nan bai selebrá ku pareha Jansen.

‘DEN E BEMBE’ a komprondé di su fuentenan ku ta tremendo fiesta lo bai tin. Segun ma komprondé ku lo tin presentashon di Jazz Band by Uti Gregorio, Gio Fuertisimo, Dreams, Gentz i for di Merka e tremendo banda Musiq Soulchild. Huntu ku nan dj RO-1 i dj Darren for di Merka. For di aki ‘DEN E BEMBE’ ke felisitá pareha Jansen ku e selebrashon di nan enlase matrimonial.