MIAMI.- E dianan tras di lomba tabata dianan eksitante pa e nobato di e ekipo di Los Angeles Dodgers Cody Bellinger. E hóben di 21 aña djaluna último a demostrá su talentonan den Homerun Derby kaminda el a kai nèt kòrtiku kontra di e ganador di e evento kende ta e outfielder di e ekipo di New York Yankees Aaron Judge.

Pa kapta tur e imágennan aki, Bellinger tabatin su mes kamarógrafo kende tabata e ‘closer’ di su ekipo yu di Kòrsou Kenley Jansen. Komo Bellinger su kamarógrafo, Jansen a sa di kapta diferente shòt durante e prestashon di e nobato i e show ku su kompañero di ekipo a desplegá. Despues di e evento Kenley a pòst riba medianan sosial ku e ta orguyoso di loke Bellinger a presta durante e Homerun Derby.