MERKA.- Kevin Federline ke pa e sèn di alimentashon ku e ta risibí mensualmente di su eks kasá, Britney Spears, subi. E tata di e dos yu hòmbernan di e kantante a entamá un kaso ayera pa e por yega na un akuerdo nobo.
Segun e abogado di Federline nan a duna Britney i su abogadonan sufisiente tempu pa nan bin ku un oferta rasonabel, pero nan kondishonnan ta inaseptabel.
Segun e akuerdo ku ta bálido te ainda, Kevin ta risibí 20 mil dòler tur fin di luna pa e mantenshon di e dos yunan, Preston i Jayden. Segun e abogado e montante aki mester ta tres biaha mas haltu. Kevin ta un dj i segun dokumentonan e ta gana mas o ménos 3 mil dòler pa luna. Segun diferente informashon e kantante ta gana mas o ménos 34 mion dòler pa aña. Segun Kevin e diferensia di entrada entre e dos mayornan ta sòru pa e muchanan biba den dos mundu diferente.