WILLEMSTAD.- Ya ta sinti un entusiasmo kresiente pa Festival di Tumba i fanátikonan ta preparando pa 4 dia di tumba kayente!.
Komo orguyoso Branding Partner di Festival di Tumba 2018,  KFC ta asentuá e festival di e aña aki ku su ‘selfie photobooth’ i ta motivá tur fanátiko di tumba pa saka nan ‘selfie’, kompartí esaki riba e página di Facebook di KFC i hashtag #Tumba2018 pa gana diferente premio.
E tim di KFC lo saka di kada nochi e potrètnan ku mas a kapta e ambiente di tumba i nan lo risibí un premio pa nan partisipashon. Smail! Lo tin un ‘selfie photobooth’ den Sekshon General i den Red Carpet!
Tur ku ‘share’ nan foto saká na e ‘selfie photobooth di KFC’ por partisipá pa gana e.o ‘Kara Kara Special’, KFC ‘Bucket’ i otro faboritonan i premionan di KFC.
Lo publiká e ganadónan di kada anochi e siguiente dia riba KFC su página di Facebook i lo kontaktá nan pa haña un ID, p’asina nan por tuma nan premio!.
Esnan ku gana mester pasa na KFC Saliña pa risibí nan premio. Tene kuenta ku por tuma premio únikamente na KFC Saliña i ku no por kambia niun premio pa sèn kèsh òf kombin’é ku niun otro oferta aktual.

Disfrutá ‘Kara Kara’ ku KFC:
KFC su ‘Kara-Kara Special’ a resultá un gran faborito! Esun chikí ta inkluí 2 pida galiña, 1 biscuit i un djus  Minute Maid di 450ml, pa Fls. 12,50. E  ‘Kara Kara Special’ grandi pa henter famia, ta inkluí 8 pida galiña, 6 hot wings, 4 biscuit i 1 djus Minute Maid di 1 liter pa 50 florin.  Bai kas kuné i sinta wak bo Festival di Tumba òf sinta disfrut’é paden na un di e 7 filialnan di KFC rònt Kòrsou; Sta. Maria, Sta. Rosa, Brionplein, Punda, Colon, Saliña òf Brievengat, sea bo so òf ku henter famia.  Pa mas informashon riba promoshon i produktonan di KFC por bishitá nan página di facebook www.fb.com/kfc.