MERKA.- Despues di vários luna kaminda tabatin rumor relashoná ku su embaraso, Khloe Kardashian a konfirmá ayera e notisia via di su kuenta di Instagram.
Khloe, e ruman muhé di Kim Kardashian, a publiká un potrèt di su barika kompañá pa un teksto kaminda e ta kompartí su felisidat di ta na barika ku su siguidónan.
‘Mi soño di mas grandi a keda kumplí. Nos ta bai tin un beibi. Mi sa ku nos a mantené esaki den silensio, pero nos kier a disfrutá di esaki ku nos famia i amigunan’, ta loke ku Khloe a pone den su mensahe na su mas ku 70 mil siguidó riba ret sosial.