MERKA.- Kiko Rihanna no por hasi? E ta kanta, baila, bende ‘make-up’ i awor e ta diseñá i modelá lingerie tambe.
Si dado kaso Rihanna no tabata ‘dream girl’, awor definitivamente lo e bira. Un galeria di potrètnan di Rihanna modelando lingerie a keda publiká i nos ta kombensí ku lo bo kombertí pa e Iglesia di Rihanna.
Rihanna su último proyekto ta un liña di lingerie ‘Savage x Fenty’, huntu ku e kas di moda Fenty. Aña pasá Rihanna a kolaborá ku Fenty pa lansa su liña di ‘make-up’.
Segun ‘Harper’s Bazaar’, ounke ku ‘Fenty Beauty Line’ a keda lansá na sèptèmber 2017 ya e ta riba kaminda pa surpasá Kylie Jenner su ‘Kylie Cosmetics’, ku tin 2 aña riba merkado, na benta. Esei ta e efekto di Rihanna. ‘Savage x Fenty’ a keda lansá ofisialmente dia 11 di mei último, ban spera ku esaki no ta nifiká ku Rihanna lo stòp di hasi promoshon pa e empresa.