MERKA.- Kim Kardashian a aseptá ku el a ‘Photoshop’ su yu muhé North pa pone riba e karchi di Pasku di su famia.
Den e show ‘The Ellen DeGeneres Show’ e artista ta konta ku dia ku nan a saka e potrèt su yu, North, no tabatin smak pa saka potrèt.
‘Ta un arte pa bo por logra pa bo haña tur kuater yu hari den un kamber’, asina Kardashian a splika. ‘E dia ei North no tabata kier a sali riba potrèt. E tabata yora, debí ku e tabata ke su kabei peñá na un otro manera’.
E mama di kuater i kasá di Kanye West a menasá su yu muhé mas bieu ku nan lo saka e potrèt di famia sin dje ariba. ‘E tabata oké ku esaki te e siguiente dia, ora ku si e kier a koperá pa sali riba e potrèt di famia. Mi tabatin suerte ku e fotógrafo tabata disponibel ainda’, asina Kim a indiká.
Kardashian a splika ku North kier a bai riba potrèt kuné so. ‘Mi no tabatin make-up i no tabata prepará pa esaki. Mi a bisa e fotógrafo pa e saka mi for dje potrèt i pone North riba e potrèt di famia, finalmente el a bira un bunita karchi’.