UGANDA.- Kim Kardashian i Ye West ta bai konstruí un edifisio pa huérfanonan na Uganda, asina boseronan di e organisashon ‘Uganda Womens Effort to Save Orphans’, UWESO a indiká.
West i Kardashian a pasa na kuminsamentu dje siman aki na e fundashon i a interakshoná ku e muchanan.
‘Nan a keda risibí pa un grupo di mucha ku a kanta un kansion pa nan, despues nan a risibí un rekorido den e fasilidat dor dje organisashon’, asina e bosero di UWESO a deklará.
Despues ku West pa repartí algun kèts ‘Yeezy’, su propio marka, e huntu ku Kardashian lo a indiká na e organisashon ku nan lo ke konstruí un mihó sentro pa e muchanan.
‘Nos ta masha agradesido i nos ta spera un kolaborashon despues ku e kas keda konstruí’, asina e bosero di UWESO a ekspresá. E plannan presis no ta konosí ainda.
UWESO ta un organisashon ku ta rekohé muchanan ku ta riba kaya i ta duna nan un oportunidat nobo pa un mihó bida. Aserka nan ta trata pa e muchanan i nan mayornan bolbe reuní.