WILLEMSTAD.- Kim Kardashian a konfirmá ku e i su kasá Kanye ‘Ye’ West lo risibí nan di kuater yu via di un ‘Mama kargadó’, un persona ku lo karga e embaraso pa nan.
Kim a bisa ku lo ta un yu hòmber.
‘Mi tabata fuma durante di nos fiesta di Pasku i a konta esaki na un persona. Mi no sa mas ta ken, pasó nunka mi no ta bira fuma’, asina Kardashian a splika durante di un entrevista.
E rumornan di un di kuater yu via di un ‘Mama kargadó’ tin un ratu kaba ta tumando lugá. Promé ku e entrevista Kim no a konfirmá e rumornan.
Kardashian i West resientemente a yama bon biní na nan yu muhé ‘Chicago’, 11 luna, via di un ‘Mama kargadó’.
Kim tabatin bastante komplikashon durante di embaraso di su yu muhé North (5 aña) i yu hòmber Saint (3 aña). Pa e motibu aki el a risibí konseho di su dòkter pa e no sali na estado mas.