MERKA.- Kim Kardashian no a invitá e dama ku ta karga su yu na e fiesta di ‘baby shower’ ku el a organisá.
E strea di televishon real no a splika su yunan ainda di e ‘mama kargadó’, motibu pa kual e no tabata sintié bon.
‘Riba e mesun dia mi a introdusí e dama na mi famia, mi a hañ’é un desishon difísil, pero mi kier a splika mi yunan promé kon e situashon ta, asina e mama di North i Saint West a deklará durante di un entrevista na e ‘talkshow’, ‘The Real’.
E strea di televishon real, durante di su dos promé embarasonan a sufri diferente komplikashon, motibu pa kual un di tres embaraso a wòrdu deskonsehá dor di su dòkternan. Esei ta e motibu pa kual Kardashian i su kasá, Kanye West ta usando un ‘mama kargadó’.
‘Mi tin masha bon relashon kuné, e ta e persona perfekto pa karga nos yu’, segun Kardashian.
Durante di e fiesta e rumannan Khloé, Kourtney, Kylie i Kendall tabata presente, meskos ku Chrissy Teigen, un bon amiga di Kim tambe tabat’ei pa selebrá e yegada di e di tres yu di Kim Kardashian.