WILLEMSTAD.- Un elekshon ku a tene tur hende den tenshon pa loke ta trata e resultado final.
Na final dje anochi a skohe Ruwandy Regales i Quinten Brunken komo Prens i Pancho Adulto 2020 i Kimberley Martis a keda koroná komo Reina di Karnaval 2020.

PRENS I PANCHO
Pa e elekshon di Prens i Pancho e premiashon a bai dje siguiente forma. Shuwender Rosini i Jonathan Walle a gana premio pa duo Dinámiko i duo Mas Popular. Engelbert Kramers i Friefabian Plantijn a gana premio pa Trahe mas Impaktante i Trahe mas Kreativo.
Rigshendell Fernando i Enurgel Isabella a resultá e di dos finalista pa elekshon di Prens i Pancho adulto.
Sergie Beltran i Jordon Anthony a gana premio pa Duo Amistoso, Duo Talento i a bai ke premio di Promé Finalista.
Komo Prens i Pancho 2020 a keda korona Ruwandy Regales i Quinten Brunken.

ELEKSHON REINA
Pa e elekshon di Reina di Karnaval 2020 tabatin basta espektativa. Naftaley Pieternella a resultá Reina Simpatia i el a keda komo e di dos finalista.
Reina ku Mihó Show, Reina Popular, Trahe mas Kreativo i Promé Finalista a resultá Nissah Libiee.
Kimberly Martis ta keda koroná komo Reina di Karnaval 2020. Kimberly ta gana e premio di Reina Dinámiko i tambe Trahe Mas Impaktante.
Masha pabien na tur e partisipantenan ku a logra kai den premiashon.