WILLEMSTAD.- Selekshon U-17 di futbòl di Kòrsou a start ku bon pia den e buelta final pa klasifiká pa Kopa Mundial U-17 di FIFA.

Den torneo ku ta keda hungá na Panamá, Kòrsou aeyra nochi a gana di Haiti ku skor minimo di 1-0. E uniko gol dje partido a keda anotá pa Nathan Bernadina faltando masha poko pa e promé tempu terminá.

E ekipo nashonal U-17 di Kòrsou ta bou direkshon di Luti Alberto i ta den grupo huntu ku Haiti, Honduras i Panamá.

E próksimo kompromiso di Kòrsou ta djaluna 24 di aprel kontra di Honduras, miéntras ku dia 27 nos hóbennan lo subi tereno pa enfrentá Panamá.

E semi finalnan dje torneo ta dianan 1 i 3 di mei, miéntras ku 7 di mei ta hunga e final.