WILLEMSTAD.- Un eksploshon di ambiente tabatin djadumingu anochi na e beach di Blue Bay Curaçao Golf & Beach Resort. Ta promé bia ku Blue Bay ta organisá un konsierto asina grandi na nan beach i e ambiente tabata hopi bon.
35 aña pasá e konosido grupo Trafassi a re inventá i hinka e kantika ‘Wasmashin’ di nos leyenda musikal, Macario Prudencia den un bachi nobo i esaki a bira un hit internashonal yama: ‘Kleine wasjes, Grote wasjes’.
Na 1981 Trafassi a lanta i a kuminsá presentá músika ku influensia di diferente pais. Nan kantante prinsipal, Edgar ‘Bugru’ Burgos a pone e grupo sobresalí ku hitnan famoso manera: ‘Banana’, ‘Waka Waka’, ‘Leba Joeroe’, ‘Contabai Swa’, ‘Pum Pum Sexy Body’ etc.
Asina djadumingu anochi Blue Bay tambe a pone tur presente rekordá e tempu dushi di ántes i disfrutá di tur e hitnan grandi di Trafassi! Un bia Trafasi, semper Trafasi i kaminda Trafasi ta tin Fiesta!  Blue Bay kier a gradisí tur su partnernan, konosí i amistatnan ku a yuda pa realisá e evento aki!