WILLEMSTAD.- Despues ku nan a risibí bon koperashon di CPA e organisashon JAG a opta pa bai kombertí Kleine Wèrf den un ‘Carnival Village’ pa temporada di Karnaval 2018.
‘DEN E BEMBE’ a komprondé ku e organisashon ta sumamente kontentu ku e echo ku CPA a duna su koperashon pa por a realisá e plan.
Ku e desishon aki bo por saka e konklushon mesora ku tur e aktividatnan, elekshon i te hasta Festival di Tumba Hubenil lo tuma lugá riba Kleine Wèrf.
Esaki lo pone ku e organisashon lo spar sèn sigur pa loke ta trata hür di lokalidat pa organisá eventonan relashoná ku Karnaval.