No ta renobá trahadónan riba kontrakt

(FILES) In this file photo taken on January 01, 2003 at Schipol airport in Amsterdam shows a KLM Boeing 747-400 flying over an Air-France plane. - Shares in Air France-KLM plummeted on February 27, 2019, a day after the Dutch government announced it was buying a stake in the troubled airline in a bid to match the French state's influence. (Photo by - / AFP FILES / AFP)

AMSTERDAM.- E kompania di aviashon KLM ya kaba a anunsiá na Ulanda ku nan ta bai kòrta den e oranan di trabou di nan trahadónan. ta e intenshon pa entrante aprel próksimo redusí e kantidat di ora ku empleadonan di KLM ta traha. Asta ta papia di un redukshon di 30%. Pa esaki ya kaba a aserka e instansianan konserní pa haña e pèrmitnan nesesario miéntras ku ta pendiente ainda pa yega na areglo di sindikato riba esaki. Na Kòrsou e gerente di operashon Cees Ursem a bisa EXTRA ku e tipo di detayenan ei e no por bisa nada riba nan.

Siguiendo ku e situashon na Ulanda, e intenshon di KLM pa kòrta den oranan di trabou di su empleadonan ta nifiká ku e trahadónan aki lo mester bai haña un kompensashon for di e fondo di Uitvoeringsinstituut Werknemersverzekeringen (UWV).

Na Ulanda KLM a anunsiá kaba ku mesora a tuma desishon ku entre 1500 pa 2000hende ku ta trahando a base di kontrakt temporal ta haña tende ku no ta sigui ku nan. KLM no ta renobá niun di e kontraktnan.

Otro desishon ta ku e pago speshal di ganashi ku trahadónan lo a kobra na aprel di tur aña, esei tambe a keda posponé te òktober di e aña aki.

KLM Ulanda no por duna indikashon kon serio e konsekuensianan finansiero lo ta pa e kompania. Ta esei EXTRA kier a haña informashon kon ta bai para ku e operashon na Korsou i posibel konsekuensianan. E situashon ta kambia tur dia i p’esei no por traha pronóstiko muchu leu den tempu.