WILLEMSTAD.- Ayera nochi a tuma lugá na Plasa Brion e klousura dje Aña di Ka’i òrgel i alabes a konmemorá 65 aña di Statüt.
Gobièrnu di Kòrsou den kuadro di promoshon di nos kultura riku i diverso a dekretá 2019 komo e aña di ka’i òrgel.
2019 tabata e aña ku e enfoke ta i tabata pa sera konosí mas ku e historia di e ‘Piano Silinder’ ku for di kabamentu di Siglo 19 ta forma parti di nos kultura. El a bira un patrimonio kultural ku a meresé rekonosementu i rèspèt.
Ayera nochi manera e lema ta bisa ‘Ban un i tur pa nos tok’é, skuch’é, bail’é i klab’é den nos kurason di Punt’ariba te Punt’abou!’, e públiko por a disfrutá di i baila e músika di ka’i òrgel. Riba potrètnan algun momentu durante dje evento.