Un felis djaweps pa tur nos lektornan…

Bon ambiente den kaya ayera nochi…

Jump in di BAB i Crazy Diamonds tabatin un bon ambiente…

E aktividat polítiko ku presentashon di ICONS na Sta. Maria tambe a logra di hala basta públiko tantu na e aktividat komo pafó sintá kantu di kaya …

Esnan kantu di kaya di mes no tabata man bashí, e jug ku kontenido tabata djis den banda...

Ta un ambiente tin tur anochi riba ruta di Karnaval...

Hopi te outonan ku ta kore wak ambiente riba e ruta i esnan ku ta doño di stellage ta pèrkurá pa nan kaba di drecha tur loke ta nesesario pa nan ta kla pa mañan...

Ta di apresiá e loke ku Gobièrnu a hasi ayera di duna honor na Baluarte- i Embahadornan di Karnaval...

Karnaval di Bándabou ta kla prepará pa e aktividatnan dje wikènt aki...

E Marcha di Skolnan tin mas o ménos 1000 partisipante...

Pa djasabra ta pendiente pa tur trailer yega Daniel pa 12 or di mèrdia pa dje forma ei sali huntu bai punto di salida...

Mi ta spera ku Johnny por logra esaki, paso esei tabata un dje problemanan mas grandi ku FKBB tin durante dje último añanan...

Tin un investigashon andando den kaso di un banda ku su manager lo mester a kobra un grupo di Marcha Hubenil pa nan presentashon, pero ta resultá ku doño dje banda lo a deklará na un medio di komunikashon ku e banda ta presentá pòrnada den Marcha Hubenil...

Esnan ku a paga a konfirmá ku nan a duna e sèn i ken ta e persona ku a risibí e sèn, awor nan tambe a keda asombrá di tende doño di banda bisa ku e presentashon dje banda tabata grátis...

Awe ta fecha pa e Jump In di Selikor...

Parera lo ta kargá ku muzik awe nochi na momentu ku Selikor bolbe drenta bek den e ambiente di Jump In ku nan evento...

Pa otro aña Gran Marcha lo tuma lugá riba Dia di San Valentino...

Temporada di Karnaval lo ta kòrtiku i ta premirá kaba ku tur aktividatnan lo ta riba otro...

Pèrmitnan pa artistanan internashonal, mihó bisá di den Reino, presentá durante di nos Karnaval a keda otorgá...

Poke, Ataniro i Buleria ta esnan menshoná ku lo presentá durante di marchanan...

Buleria manera ta konosí ta bin pa Marcha di Despedida...

Awe nochi tambe lo tin e jump up di St. Margaretha College di Janwe...

Tene na kuenta ku tráfiko den e área di Saliña lo pega despues di 6.30 di anochi...

E jump up di ‘Piratanan di SMC’ lo sali for di Stadion di SUBT i lo terminá na skol ku ta keda den kura di Misa di Janwe...

Nos tei move, tabata un plaser...

Te mañan ku Dios ke...