Un felis djasabra pa tur nos lektornan…

Despues di un par di dia di ousensia, nos tei bèk pa kompartí ku bo tur loke tin na ambiente di Karnaval…

Ayera nochi un biaha mas SVB/ VIVA a pèrkurá pa un tremendo Jump In riba e lugá di parker di SVB...

Un públiko basta grandi a asistí i ambiente tabata formal...

Pa esnan ku tabata na kas nan por a disfrutá dje transmishon via di Televishon Direct...

Tin bandanan ta keda wanta na mesun medley di kansionnan pa animá e públiko...

No tin esfuerso pa krea kosnan nobo pa ora ta presentá durante di jump in...

Ayera nochi tabatin e jump in tambe na Villa Royal...

Pa awe nochi ta ‘Rei di  Kaya’ i ‘JetSet’ ta e dos eventonan di Karnaval ku ta pendiente pa tuma lugá...

Awe mainta tin harmamentu di stellage...

For di ayera nochi bo por a kuminsá tuma nota algun kaminda ku a kuminsá pone stul i trabounan di preparashon a kuminsá tuma lugá...

Esnan ku ta para riba tereno privá a kuminsá for di ayera i otronan te asta promé pa traha riba nan stellage...

Henter e ambiente aki ta un kaminda grupo di amigunan ta topa pa sinta i basilá, dal beter i harma nan stellage...

Djadumingu awor tin Marcha di Kabai ...

Konforme informashon di AGKK e gruponan a bira mas grandi, esaki sigur ta algu di aploudí...

Ma komprondé ku ainda tin moveshon pa loke ta trata órden di gruponan pa Gran Marcha...

Ayera nochi tabatin e rumor ku tin un grupo ku a kaba di dil ku un otro pa kambia di number...

Na Aruba tin Festival di Tumba awe nochi...

9 tumbero ku 5 banda ta partisipando...

E situashon di Festival di Tumba di Aruba tabata di preokupashon, debí ku e interes pa partisipá a baha masha hopi mes mirando ku e ganadó no ta wòrdu toka den kaya mes...

Na Aruba e ritmo di Soca/ Roadmarch ta esun prinsipal den marchanan di Karnaval...

Anto esaki ta pone ku Tumba na Aruba no ta wòrdu toká mes den marcha...

Ray Lauffer su presentashon ayera nochi ku Excellence Band tabata tremendo ...

E banda a hasi un tremendo trabou kompañando e Rei di Tumba...

Ray a subi tarima i buta ambiente mesora...

Nos tei move, djaluna nos tei bek ku otro edishon di ‘Louie Louie’ den Karnaval...

Disfrutá, wak e klabu bon, pa bo no baha e martin riba e dede!...