Un bon siman pa tur nos lektornan...

Un wikènt kargá ku ambiente ta loke nos a eksperensia e wikènt ku ta tras di lomba...

Jump in di SVB/VIVA, MCB/ HOTD –ViseVèrsa i JetSet tabata e bòm di wikènt...

Tur tres a logra atraé un públiko grandi i basta ta esnan ku mester a konformá nan mes ku wak via TV òf via medionan sosial ora ku video a kuminsá skeiru dje ambiente...

Nos bandanan ta hasiendo bon trabou durante di animashon dje eventonan...

Harmamentu di stellage tambe a kuminsá i bo por bisa ku nos ta yegando poko poko na e klímaks di Karnaval...

E dos simannan aki ta bai ta un selebrashon ‘all out’ di Karnaval...

Diferente jump in popular pendiente pa tuma lugá i tambe preparashon pa e marchanan...

Kùrmentu di vehíkulonan ku ta partisipá den e diferente marchanan a tuma lugá...

E biaha aki no tabatin masha vehíkulo ku no a pasa e kùrmentu bon...

Algun tin kos chikí pa drecha ku lo keda kontrolá na salida dje diferente marchanan...

E reunion di instansianan di Gobièrnu ku gruponan di Karnaval no a logra di atraé masha lider di grupo...

Nos a tuma nota di un man yen di representante di grupo...

Mi ta kere mester evaluá e fecha i orario ku ta organisá e seshon di informashon...

Djaweps awor tin e anochi di ‘Kings & Queens night’, e anochi di homenahe na eks Rei, Reina, Prens i Pancho di Karnaval...

Esaki ta den kuadro di selebrashon di e di 50 edishon di Karnaval...

Awe durante di dia EXTRA digital lo kompartí kobertura di diferente aktividat ku a tuma lugá durante di fin di siman...

Bo por a mira kaba e transmishonnan ‘bibu’, pero ta pendiente awor pa e videonan di ambiente ku a keda grabá durante di diferente dje aktividatnan di Karnaval...

Nos tei move, awe nos ta kòrtiku, esaki pa duna espasio pa por publiká mas tantu dje potrètnan di e aktividatnan ku nos a kubri durante di wikènt...

Mañan ku Dios ke nos tei bèk ku mas informashon...