Nos ta na bispu di wikènt aki...

Un felis djaweps pa abo ku ta lesando otro edishon di ‘Louie Louie’ den Karnaval 2020...

Ayera Fundashon JAG a broma ku un sin fin di informashon di nan spònsernan i e anunsio di premionan grandi pa Reina, Prens i Pancho di Karnaval i pa Grupo di Aña ...

Reina di Karnaval lo risibí un outo Kia Picanto i e duo di Prens i Pancho lo risibí kada un, un scooter premio opsekiá pa OMNI...

Grupo di Aña tin konfirmá 10 mil florin kèsh di Extura i Entiero na Kuota...

Aserka nan ta gana tambe un outo Kia Picanto, premio opsekiá pa Kia i Universal Motors...

Ayera na inisio di e rueda di prensa sr. Stanley Ignacio a dirigí palabra i a informá riba e situashon ku a presentá relashoná ku e ‘voice note’ ku tabata sirkulá riba retnan sosial ku reklamo riba Fundashon JAG...

Su splikashon tabata amplio...

Juni Aniceta tambe a indiká ku e ta lamentá loke a sosodé i ta elevá su mes dje situashon ...

Manera rueda di prensa a kaba retnan sosial a bira hot mesora!...

‘Time will Tell’ tabata un dje promé reakshonnan ku nos a tuma nota di dje...

E malkontentu tei ainda i tin algun partisipante di aña pasá ku ta pendiente pa bai duna splikashon amplio di loke nan a eksperensia durante dje último dos añanan ku Fundashon JAG ta organisando Karnaval...

E situashon aki no ta nada bunita i mester di intervenshon rápido...

Nos a keda informá ayera di algun punto ku ta sumamente inkriminatorio i ku lo no por mira lus di dia...

Tin hende kla para pa tuma medida ku entre otro lo inkluí deurwaarder komo opshon final...

Ban spera ku e situashon aki por keda resolvé sin ku tin mester di tira otro ku lodo!...

Djasabra awor ta último fecha pa kùr vehíkulonan pa Karnaval...

AGKK a informá ku basta vehíkulo no a pasa e kùrmentu ku éksito...

Nos tabatin e impreshon ku kùrmentu a kada bon, pero ta resultá ku no!...

Reina di Karnaval di Banda Bou, Nissah Libiee ta kontentu ku su koronashon...

Giovanni i Angelica Abath i nan tim di Kara Productions tin basta trabou pa kaba e dianan aki...

Ta diferente karosa nan ta trahando riba dje...

Nos a keda pa pasa tira un bista riba e trabounan...

Pa esnan ku tabatin duda riba e resultado di elekshon di embahadornan, Angelo Virginie su splikashon ta kita tur duda...

Angelo a splika bon kla i e mes tambe ta kontrolá aktivamente henter e proseso di konteo di puntuashon...

Ata karchinan pa e Jump In di Selikor a ‘sold out’, mas lat ayera tardi Ella i su tim a informá ku nan a haña aprobashon pa drùk algun t-shirt mas i ku pa djabièrnè mainta 8 or lo bo por kumpra bo karchi i risibí bo T-shirt...

Quota Club ayera di forma ofisial a hasi entrega di un kantidat basta grandi di dòpi di orea na Fundashon JAG...

Tur esaki den kuadro di nan proyekto di ‘Kuida bo Oido’ den temporada di Karnaval...

Un saludo pa Geraldine Archer, still going strong !..

Nos tei move, awe ‘Louie Louie’ su páginanan di Karnaval ta karga ku informashon...

Te mañan ku Dios ke!...