Nos a yega wikènt...

Awe ta fecha pa elekshon di Rei i Reina Tiner...

Awe tardi tambe lo tin e apertura di e eksposishon ‘Tumba Kings & Queens Exposition’ na Sambil...

Espektativa pa esaki ta grandi i e interes ta mustra ku públiko lo bishitá Sambil den e dianan aki pa nan por mira e eksposishon...

Ayera nochi a tuma lugá e rueda di prensa di AMAK kaminda e organisashon a duna informashon riba e último detayenan...

Seguridat tabata e punto sentral dje rueda di prensa i reglanan a keda splika pa e representante di Titan Security...

Djaweps, anochi dje wildcard entrada lo ta grátis ...

Lo ta interesante pa sa kon e interes lo ta pa e anochi aki...

Djasabra awor Licores Maduro lo tin nan último Gimmick pa Festival di Tumba...

Lo bo tin chèns di kumpra bo pakete di karchi general na rason di 65 florin...

Awe nos ta saka e formulario pa partisipá na e kampaña di Rei ken ta sali Rei òf Reina di Tumba...

E intenshon tabata pa sake djaluna awor, pero nos a disidí di duna e públiko e oportunidat pa por tin un formulario mas pa nan por yena...

Kòrda mas formulario bo yena ku e kontesta korekto mas chèns bo tin pa gana...

Ensayonan ta kanando bon, ayera ‘Louie Louie’ a bishita GIO i ERA i ta pendiente pa mayan tambe pasa 2 ensayonan mas...

Ayera nochi 8 or tabata e orario final pa hasi entrega di letra na AMAK pa Festival di Tumba...

Nos a tuma nota di algun kantante i kompositor ku te ayera nochi djis promé ku 8 or tabata koriendo kabes di gai pa kaba di pone pregon pa nan tumba pa por entrega esaki...

Pa djadumingu awor nos lo bai riba un paranda di ensayo, prepará pa bo sigui nos i haña un ñapa di tur e ensayonan...

E wikènt di elekshon di embahadornan ta e highlight dje wikènt aki, pa djadumingu anochi tur embahador lo ta konosí ...

Nos a komprondé ayera nochi ku e evento ‘Tumba Loko’ a keda posponé...

E komishon organisadó no a logra di haña spònser pa yuda kubri e evento ku den dékada 80 tabata masha popular ...

E kongreso ku tema Karnaval tambe su fecha a keda kambia, próksimamente Fundashon JAG lo anunsiá e fecha nobo pa esaki...

Otro evento ku tambe su fecha a keda kambia ta e anochi di Galardon relashoná ku 50 aña di Karnaval...

Esaki lo mester a tuma lugá riba e djadumingu di Marcha di Kabai, pero a posponé i esaki ta pendiente pa tuma lugá den e siman siguiente...

Promoshon pa Jump In nan ta tumando lugá ku forsa, pasó tur organisadó ke logra pa atraé mas tantu públiko na nan evento...

Nos tei move, tabata un plaser pa a produsí otro edishon di ‘Louie Louie’...