Nos a yega djaweps, e siman a manera kana lihé...

Awe ta dia pa e rueda di prensa di Festival di Tumba 2020...

E di 50 edishon di Festival di Tumba ta primintí di trese hopi espektativa, no solamente pa e evento riba su mes pero tambe pa diferente kantante ku sea a yega e momentu kulminante den nan karera musikal kaminda lo ta un logro grandi pa nan keda korona komo Rei òf Reina di Tumba...

Awe Feco Gomes i su tim di AMAK lo duna detaye di tur loke tei sosodé den e siman di Festival di Tumba...

Bo mes sa, mañan mainta nos lo tin e kobertura kompletu den EXTRA ...

Ayera tardi nos a bai e rueda di prensa di e jump in ‘Rei di Kaya’...

E konsepto ku lo keda usa pa e evento aki riba Seru di Ararat ta mustra di bai bira algu hopi great...

E ekspektativa ku e bandanan tin pa ku nan presentashon durante dje evento tambe lo ta algu pa mira...

E evento riba su mes ta un plataforma pa ban wak ken tei zona mihó i ken tei dal mas duru...

Manera Efrem Mambi a indiká ayera tardi, nos tin hopi Rei di Kaya i e anochi aki tur tei haña chèns pa lusi durante dje evento...

Awe karchinan ta riba merkado i nos ta premirá ku hopi lo ta esnan ku ta bai kumpra nan karchi fo’i trempan...

E komentarionan ayera den nos kolumna a pèrkurá pa basta reakshon ayera durante di dia...

Nos a kombersá basta largu ayera tardi ku un amigu ku a simplemente para konfirmá hopi dje informashon ku nos a kompartí i te asta duna algun detaye adishonal...

E situashon entre Gentz i ICONS ta sigur di lamentá pa loke ta trata farándula di Kòrsou pasó sigur den temporada di Karnaval lo e tabata un kombinashon fèrfelu i takiyero pa eventonan di Karnaval...

Pero ya, nos no ta den sapatu di lidernan dje banda i manera ma mira publiká ayera e situashon ta un di ‘Prinsipio i Rèspèt’...

Ma komprondé ayera nochi tambe ku Gentz su agènda ta yen ku presentashon i ku nan ta tokando te hasta riba dianan ku tin eventonan ku ta ser konsiderá grandi durante dje kalènder di aktividatnan di Karnaval...

Tur organisadó di evento segun mi mester wak di mes pa nan mes ora ta trata organisamentu di aktividat, pero mi ta kere tambe ku ora bo ta hasi esaki bo mester tene kuenta na momentu ku tin aktividatnan ku ta keda organisá ku e meta pa rekoudá fondo pa hasi donashon na gruponan di Karnaval...

Ma tuma nota di un aktividat grandi ku ta pendiente pa tuma lugá, mi no tin opheshon kontra dje evento aki, pero ‘have a heart’, por a wak un otro fecha pa pone e evento aki ku ta kai pareu ku un evento ku ta konosí pa tur hende ku su meta ta pa rekoudá fondo pa gruponan di Karnaval...

Ta pe motibu aki mi ta haña ku mester tin un manera pa por reglamentá e organisamentu di aktividatnan di Karnaval durante dje temporada...

Ami ta pro pa tur banda tin toká pa nan por yega na fondo pa mantené nan banda, pero por tin rèspèt pa sierto fechanan di evento...

Ayera ma tende e kombinashon di kantantenan ku un banda ta pendiente pa bai Festival di Tumba kuné ku ta mustra di ta un kombinashon fèrfelu...

E músikonan dje banda na vários okashon a gana e título i nan a harma un tim fèrfelu di kantante pa e di 50 edishon di Festival di Tumba...

Maskarada a kai pa e músiko/ supladó ku ta e ‘brain’ tras di e trahamentu di plan pa kobra mas karu pa kompaña den Festival di Tumba...

Músikonan ku tin enkargo di regla i organisá formashon di sekshon di brass pa bandanan no ta nada kontentu ku e sistema ku a buska di forma un bloke kontra di bandanan lokal...

Ma kombersá ku un amigu ‘basista’ ku normalmente su kara ta serio, ora nos a papia kompader su kara a sera aun mas!, pues bo ta imaginá kon rabiá e ta riba e situashon...

Nos ta pendiente pa mañan risibí informashon di e ‘joint venture’ entre Grupo Bliss i Grupo Cache pa Karnaval 2020...

Ayera nochi trempan mi por a mira e trahe ku e gruponan tei presentá den Gran Marcha i mester bisa ku nan konsepto ta un great i ku sigur lo hala atenshon ku tur loke nan ke presentá ...

E dos gruponan lo tin animashon musikal di GIO i ONE pa Gran Marcha...

Mañan lo mi por duna mas detaye ...

Bon shonnan, nos tei move, tei prepará pa atardi mi bai Licores Maduro pa bai skucha kiko Don Feco Gomes tin pa kompartí pa loke ta trata Festival di Tumba 2020...

Felis dia!.