Un felis djasabra pa tur nos lektornan...

Ayera AMAK a tene su rueda pa Festival di Tumba 2020...

E festival manera nos a informá algun siman atras a keda dediká na Rignald Recordino...

Ma gosa Doble R na momentu ku den su diskurso el a indiká ku e trabou tabata trabou di un tim di músiko...

Great ora bo ta apresiá ku bo logronan bo a logra ku ayudo di un tim...

E bisiñanan tambe a risibí serka atenshon di Doble, el a gradisí nan pa soportá e bochincha di su banda...

Djadumingu awor ta Parke Himno i Bandera ta e sitio ku bo mester bai for di 12 or di mèrdia...

Ta for di 12 or e aktividatnan relashoná ku apertura di Karnaval di Bándabou ta kuminsá...

Excellence Band i Grupo Oriri lo sòru pa animashon musikal...

Feco sa nèk, ayera el a bisa ku e ganadó ta gana un ‘ outo nobo nobo na su disposishon’, awo Feco ta kon bo por gana e outo i lo e no ta na bo disposishon...

Tin hopi espektativa pa Festival di Tumba...

Manera semper AMAK ta stèns riba e sosten di pueblo di Kòrsou na Festival di Tumba...

Nos a komprondé ku e dekor di stage e aña aki lo karga ku hopi iluminashon i led screen...

Ma komprondé ayera di un amigu ku ta enkargá ku su kompania di zonido pa pone zonido pa treilernan di Karnaval ku bandanan no ta spar niun esfuerso pa impreshoná...

Tin algun konsepto nobo di treiler ku ta pendiente pa keda presentá...

Djamars awó lo tin rueda di prensa di Hak’e...

Atenshon di públiko pa e evento aki ta grandi, tur hende ke pèchi pa yena nan kolekshon...

E aña aki lo ta e di 5 edishon di Hak’e i ta interesante pa sa kon lo repartí e dos dianan di konsierto...

Ensayonan ku brass pa Festival di Tumba hubenil tei kuminsá, ma tuma nota ku ayera algun dje supladónan a yega i trabou tei start mesora...

Glenn Thomas ayera nochi den ‘Rumba pa Tumba’ a bolbe skor ku su repertorio di tumba ku el a presentá...

Ayera tardi tambe Radio Mas a kuminsá ku nan programa di Karnaval ...

Manera kustumber nan a los nan jingle nobo pa temporada di Karnaval...

Ta masha hopi jingle Radio Mas a produsí pa temporada di Karnaval...

Mi ta gosa e promoshon ku e partisipantenan di Reina, Prens i Pancho adulto ta hasiendo pa e elekshon...

E promoshon sigur lo yuda ku benta di karchi...

Tin algun banda ku a kuminsá ensayá kaba i otronan ta pendiente pa djaluna awor kuminsá harma e tumbanan ku nan lo bai partisipá kuné ...

Tin algun sorpresa pa loke ta trata Festival di Tumba...

Tin kantantenan ku lo bini bek, pero otronan ku lo yama danki i no partisipá mas na Festival di Tumba...

Djadumingu awor tin e ambiente di tambú di ‘Tres Rei’, un dje eventonan popular pa amantenan di Tambú...

E ta tambe un dje último eventonan kaminda tin gruponan di tambú ta presentando den e temporada di Tambú 2019...

Nos tei move, disfrutá di bo wikènt!...