WILLEMSTAD/ ROTTERDAM.- E talentoso  kompositor i kantante Stanley Clementina a lansa su di tres ‘single’ Komehein, fo’i su EP, ku lo keda lansa e zomer akí. E biaha akí Stanley no ta kolaborá ku niun vokalista, pero a trese un interpretashon unda e so ta figurá.

Komehein ta trata riba un manera chistoso di un dama ku ta duna su pretendiendo hopi doló di kabes debí na su hòbi. Komehein ta un kolaborashon ku produktor dominikano MB Ghettoflow, riba e popularísimo ritmo Afro Beat.

Ku su músika, Stanley semper ta trata pa rekonosé baluartenan musikal lokal manera Doble R  a añadí un ñapa nostálgiko di e legendario kompositor den e clip. E clip di KOMEHEIN a keda grabá na Kòrsou pa Thareyck Martina i Rachid Pietersz, unda modelonan Shuhainy Serberie, Kiona Gregorius i Francin Lodovica a figurá.

Riba tereno artístiko tin vários desaroyo alentador pa Stanley. Resientemente Stanley a lansa un label i kompania di produkshon yama ‘The Brotherhood Company’, ku e talentoso Zurich Musiq, mihó konosí komo e produktor kurasoleño Nilomar Francisca.

Na mei, 2017, Stanley sera un dil di distribushon ku e famoso kompania di produkshon hlandes, Cloud 9 Music. Tambe e dil ta enserá un ‘fonds deal’, unda Stanley mes por kultivá su propio talentonan pa lansa riba merkado.

Tambe Stanley tin un kolaborashon pendiente ku e talentoso kantante Dayo titulá ‘Asina ta biba’ i lo graba e clip durante su estadia na Kòrsou. Stanley lo ta na Kòrsou algun siman, unda e lo tin vários presentashon, pues ‘like’ su Facebook.com/StanleyAcoustic pa keda na altura di esaki.

Pa presentashon, mail steezmusic@gmail.com of chéck www.stanleyclementina.com Por chèk e video di KOMEHEIN riba YouTube na e siguiente link: https://www.youtube.com/watch?v=rPb4zDbDxPY