WILLEMSTAD.- E músikonan ku a start e lucha pa duna e rotònde di Santa Rosa e nòmber di ‘Chi’ Dometilia ta sigui lucha i awor a drenta den studio di grabashon pa traha riba un produkshon musikal ku e propósito pa logra nan meta.
E komposishon titulá ‘Kompa Chi’ ta den proseso di grabashon serka Hershel Rosario.
‘Bachi Bachi’ Andrea, huntu ku Beto di Típiko Pasa Bon, Wim ‘mandolin’ Felipa, Renny Petrona, Anthony Schultz i Henriquez a djòin pa traha riba e produkshon.
Riba foto nos por apresiá e músikonan huntu den e studio di Hershel Rosario.