WILLEMSTAD.- Den kuadro di Seú 2020 lo tin e tradishonal “Kompetensia di Maramentu di Lensu” dia 15 mart próksimo.
Pa por partisipá na e kompetensia aki, mester partisipá na e 4 dianan di workshop/ tayer ku Shurendi Pieternella lo organisá pa e personanan ku inskribí pa partisipá na e “Kompetensia di Maramentu di Lensu”.
Si bo NO ta partisipá na e Kompetensia bo NO por inskribí na e workshop/ tayernan.
E kuater (4) workshopnan ta obligatorio si bo kier partisipá na e kompetensia. Fechanan pa e workshopnan ta dianan 5 i 6 di mart na Sentro di Bario Sta. Rosa di 6 or pa 8 or anochi, dianan 7 i 8 di mart na Sektor di Kultura i Deporte na Skalo. Dia 7 ta di 10 or mainta pa 3 or atardi i 8 ta di 10 or pa 2 or di mèrdia.
Por inskribí na telefòn òf manda un WhatsApp na +599 9 679 6057, Celli Scoop.
Kòrda ku e kupo nan ta limitá. Djaluna 2 di mart próksimo lo sera e inskripshon.
Ban Biba i Stima nos Kultura.