MERKA.- E aktor di 49 aña, Daniel Craig a konfirmá durante di un entrevista den e programa ‘Late Show’ ku esaki por ta su último bes komo e agente 007 i e ta spera ku e lo sali di porta grandi. Craig a interpretá Bond na kuater okashon, "Casino Royale", "Quantum Of Solace", "Skyfall" i "Spectre".
Anteriormente Craig a bisa ku e no tabata masha interesá pa interpretá e ròl di Bond. Durante di un entrevista resien na radio el a indiká ku pa motibunan personal e ta konsiderando un partisipashon i durante dje entrevista den ‘Late Show’ el a bisa di ta sumamente felis ku e desishon pa bolbe interpretá e ròl di James Bond.