WILLEMSTAD.- Cpost International N.V. a emití 6 stampia nobo, ‘‘Konmemorashon di 50 edishon di Kòrsou su Karnaval’.
E meta di e serie ta pa sera mundu konosí ku un tiki di nos Arte i Kultura. Cpost pa medio di Pheadraline Baromeo a hasi entrega di e stampianan na e siguiente instansianan: Fundashon JAG, AGKK, Stanley Ignacio, CTDB i Lisette Sambo-Velder den representashon di Sektor di Kultura. Diseñadó di e stampianan ta sra. Mirjam Griffioen.
E stampianan aki ta optenibel na tur filial di Cpost International N.V. Pa mas informashon por yama departamento Filatéliko na 433-1312 òf bishitá wepsait di Cpost International

N.V.  www.cpostinternational.com