WILLEMSTAD.- Ba kumpra bo karchi kaba? Otro siman djamars, 31 di yüli lo tin un konsierto riba Freewinds titulá ‘The Three Diva’s Concert’.
Jill Frans, Gilltaly Doran i Harlianne ‘Yentje’ Silvanie ta bai presentá kansionnan popular na spañó, ingles i papiamentu, respaldá pa un bon orkesta di músikonan lokal bou dje direkshon dje gran pianista Chris Walle.
Aparte di esaki, pa promé biaha Gibi Doran lo ta interpretando un kansion na duo ku su yu muhé, Gilltaly Doran.
Meta dje konsierto ta pa rekoudá fondo pa regalá Kolegio Alejandro Paula instrumèntnan musikal pa e studiantenan por práktika loke nan siña den teoria. Asistí na e konsierto i dje forma ei duna bo kontribushon.
Karchi ta optenibel na Mensing’s Caminada, Radio Mas, serka miembronan di ‘E awards Foundation’ i serka Paco Nahr na 567-8777 òf 673-1146.