WILLEMSTAD.- Awe nochi, 23 di aprel 2019, Freewinds ta ofresé pueblo di Kòrsou un tremendo show, kaminda e lo uni dos artista grandi den un show.
Rob Meister ta un Kantante/Kompositor i produktor di Músika ku a yega di produsí diferente hit grandi rònt mundu manera Europa, Asia i Latino Amérika. Ta trata aki di un tremendo kantante ku na e momentunan aki ta na bordo di Freewinds i e lo kier kompartí ku pueblo di Kòrsou djamars awor.
Tambe lo presentá na e okashon aki, e kantante lokal Debbie Beaujon. Ta trata aki di un kantante lokal ku sigur no mester di ningun introdukshon, mirando ku e tin mas ku 10 aña kantando riba Freewinds i a kosecha masha masha hopi éksito.
Kompañamentu musikal lo ta na enkargo di The Freewinds Band i tambe NGN Brazz di Kòrsou.
E konsierto di djamars awor ta grátis, pero úniko kos ku mester hasi ta registrá via WhatsApp ( no yamada) i bisa ku kuantu hende bo ta reserva p’e pa asina ei por tene kuenta. E number pa registrá únikamente via di WhatsApp ta +5999 513 0837. Nos ta den fakansi, pues ata un bon oportunidat pa  sali un ratu ku e muchanan i disfrutá di un tremendo show. Esnan ku ta bai kòrda ku porta di Starlight, kaminda e show ta tuma lugá lo habri 7.30 pm. No pèrdè e oportunidat aki.