WILLEMSTAD.-  Awe nochi lo tin e promé konsierto riba  Freewinds, awor ku nan ta bèk despues di tabata pa algun siman na Colombia. Honor pa presentá den e konsierto aki ta  pa vários artista lokal enkabesá pa e konosido Toni “T’Nice” Worrel.

Artistanan Lokal
E kantantenan ku awe nochi lo presentá riba Freewinds ta: David Koeyers; Gilmar Monte; L’Essence; Roxy Rozal; Face 2 Face i Toni “T’Nice” Worrell.
Pues e anochi aki ta unu varia i ku ta mustra di lo bira super interesante. Manera ta konosí, Shownan di e grupo di Toni “T’Nice” Worrell semper ta un espektákulo.

The Freewinds Band i NGN Brazz

Pa loke ta trata e parti di kompañamentu musikal, esaki lo ta na enkargo di The Freewinds Band, enkabesá pa maestro Franses, Patrick  Zagury riba guitara, pero tambe Susan di Italia riba piano, John Politakis di Grecia riba drùms i Jeff di Inglatera riba bass. Pa loke ta trata NGN Brazz ku tin mas ku 10 aña tokando huntu ku The Freewinds Band, ta trata aki di tres músiko lokal, Norman Kooks riba trompèt, El Gio Atalita riba Trombon i Norbert Girigorie riba tenor o alto sax.

Entrada grátis

Manera a bira kustumber, entrada pa e konsierto nan ku Freewinds mes ta organisá ta grátis. E show ta kuminsá eksaktamente 8 pm i p’esei nos ta pidi tur hende pa nan tei for di 7:30’or pa asina ei nan por subi i presensiá un tremendo show.
E barku Freewinds lo mará na  parti di Otrabanda. Te na e momentunan aki no a na unda esaki lo ta presis.
Pa bo  keda registrá pa un o mas asiento den e show aki, manda un app na  +59995130837  i bisa kuantu lugá bo tin mester. Tur esnan ku den pasado a yega di bai e shownan riba Freewinds sa kon bon e ambiente aki sa ta. E number +59995130837 ta únikamente pa manda app.