WILLEMSTAD.- Un repertorio di klásikonan di nos farándula ta loke ku AMAK a presentá ayera nochi durante dje konsierto ‘Nos Rais Musikal’.
Loke si ta di lamentá ta e echo ku públiko no a respondé ku su asistensia na e evento. E proyekto ta un di gran balor i bale la pena pa sigui rebibá nos músika. Mester gradisí tur e músikonan ku ayera a duna sosten na e evento, nan tur a koperá ku AMAK pa forma parti dje proyekto.
E transmishon di TeleCuracao a logra kontribuí pa esnan ku no a asistí tabatin chèns pa por a sigui e konsierto via televishon. Riba foto algun imágen durante di ‘Nos Rais Musikal’.