WILLEMSTAD- Hopi reakshon integrantenan di Survival band ta hañando di e públiko ku ta masha interesá pa e konsierto di otro siman. Awe na 8 dia lo ta e gran dia kaminda hopi lo bai rekordá i tambe biba ku e nostalgia ku e banda lo trese ku su músika rekordando añanan 80 bini ariba i muy espesial e tempu di LA Disko.

E konsierto aki un e konseho pa buska bo karchi lihé pasobra nan ta bayendo duru mes. For di Aruba, Boneiru i hasta Isla Riba tin interes pa ta presente. Survival tabata un banda ku a toka kurason di hopi hende. Tabata un banda ku un karisma ku tabata trèk públiko na nan presentashonnan.

Manera mayoria di e integrantenan ta pensa esaki ta un real one for the road ku ta nifiká e último konsierto di The Survival Band.